周三（10日）夜晚大約十一點半，有市民喺尖沙嘴目擊一班黑衫人拎住鐵通「晒馬」，到底咩事咁大陣打仗呢？Channel C收到消息，其實事件係同上月底有幫派喺尖沙嘴講數有關，如果唔記得咩事，即刻重溫當日嘅《嘮動新聞》啦！（ http://shorturl.at/ghqE9 ）

消息話，事源新義安疑對和勝和當日扑爆車呢件事深深不忿，知道佢哋其中有幾個人會經常喺尖沙咀出沒，所以就落Order叫人去「刮友」。根據熱心市民拍低嘅片段所顯示，噚晚一班黑衫人拎住鐵通喺尖沙嘴漆咸道南往幸福中心嘅天橋樓梯到集結，另外有部份人就行往電梯方向。而當時附近其實仲有唔少人喺巴士站等車，亦都有幾名男女正想上天橋。如果大家係片中嘅幾位後生仔女，會揀繼續上橋定係調轉頭走呢？

#黑幫 #黑社會 #晒馬 #吹雞 #尖沙嘴 #漆咸道南 #天橋