近排因《膠戰2》急速彈起嘅阿正，喺最新嘅譚仔廣告入面飾演痴女「八師傅」八仙，即係七師傅嘅孖生姊妹，而喺廣告入面，阿正就睇中咗做戶戶送送餐專員嘅黃德斌。
除咗扮痴女，阿正仲要幫七師傅配音，幫佢加返把少女聲，喜感十足。阿正話佢為咗呢個廣告，睇咗佢嘅節目幾次，又要學埋「仙氣打扮，同模仿『譚仔話』」，連自己都忍唔住笑。
而黃德斌就話「今次拍呢個廣告好有艷福」，既可以同七師傅談情，又俾八師傅搭訕。而對住阿正做嘅八師傅，黃德斌就話阿正嘅「誇張演繹」，有啲似吳君如加詹瑞文嘅混合體，好搞笑咁喎。
#阿正 #膠戰 #viutv #黃德斌 #七師傅 #七仙羽 #譚仔
#阿正 #膠戰 #viutv #黃德斌 #七師傅 #七仙羽 #譚仔
