總決賽會喺聖誕節（25日）當晚舉行，ViuTV噚日（13日）都喺facebook出po徵女團名，改得夠創意嘅100位觀眾仲有「重酬」，就係得到總決賽門票兩張，畀大家見証女團重要一刻！唔少網民都即刻留言「去睇方方子涓即場出道？不了」、「反正一定有方方㗎啦，叫Square囉」、「方方不敗」、「方涓女子十二舞團」，甚至有人話「如果同大部份民意相反既就Horror啦！」咁有創意，唔知係咪會有飛呢？～
講返噚晚一集，Karen被foul之後，導師、評判等都好捨得。喺後台嘅梁祖堯話「觀眾會掛住你」；評判欣宜、釗峰就問：「我係咪撳錯？」釗峰同Jay Fung去鼓勵Karen時，仲話有機會可以客串演出：「你真係好好……係仲有好多暇疵，係未夠嘅，但可以雕琢」。欣宜就向花姐投訴比賽過程殘忍，要花姐安慰，不過反而搞到欣宜忍唔住喊添。
之後到A、B組終極一戰，A組20位成員全員演出畢業作《無力也請相信》，將導師許廷鏗嘅歌曲《無力感》改編獻唱，獲評判余迪偉讚演出完整，令人有深刻印象，但欣宜就覺得成員唱歌方面有點失準，句與句之間夾得唔夠齊。
之後到A、B組終極一戰，A組20位成員全員演出畢業作《無力也請相信》，將導師許廷鏗嘅歌曲《無力感》改編獻唱，獲評判余迪偉讚演出完整，令人有深刻印象，但欣宜就覺得成員唱歌方面有點失準，句與句之間夾得唔夠齊。
至於B組就由Gao率領方方、馬欣、東東、暐翹、Alice及榛綦演出《One Night Only》，大跳勁舞「炸爆舞台」。欣宜再次被感動到喊，釗峰睇完就即刻話「我想自己爆煙花！」本身係導演嘅黃修平亦讚：「睇到我……《狂舞派》一定要再拍落去啦！兩組係兩個方向，A組好平均，B組係揀一樣嘢做到好足。」最後B組獲5位評判5盞紅燈勝出，A組嘅「死亡名單」Ashi被淘汰；B組嘅暐翹有得留低。總括返呢一回合，被foul嘅有東東、Ika、安希婷、Karen同Ashi。
25強噚晚都完成分組。第一組有芯駖、CK、Marf、Ivy So同穎蕎；第二組就有Kinki、Day、馬欣So Ching同Ariel；第三組包括方方、Gao、Alice、阿蛋同子涓；第四組就有Candy、暐翹、WINKA、Yoyo及同Tengie；第五組就有榛綦、Ada仔、VAL、超酸同Win Win。
