唔知大家啱啱個聖誕節夜晚睇邊台呢？當晚全城矚目嘅ViuTV《全民造星IV》總決賽，終於打破到歷屆《造星》決賽嘅最高收視，平均高收7.7點，仲創下ViuTV真人騷節目嘅收視新高。
之前TVB嘅首席創意官「153」曾志偉就話過ViuTV嘅題材比較偏門，只可以同82台J2比，不過81台翡翠台喺聖誕節當晚都準備三連擊，《男神廚房開業喇! 》收13.2點；壓軸台慶劇《拳王》大結局就只得12.5點，去到《全民造星IV》公佈賽果一刻，81台嘅《傑出小童星嘉許典禮》只係得7.9點收視，贏得嗰0.2點。
TVB台慶劇《拳王》唔單止大結局仆直，其實佢全劇直播收視亦只係得15.9點，成為TVB史上收視最差嘅台慶劇。睇嚟首席創意官要再諗多啲計仔，不過真心講，少咗人睇TVB係唔係淨係關節目質素事呢？
