YouTuber大J出新片宣佈，佢已經同日本籍太太Mai、兩隻貓貓移居日本，但就強調「唔係完全移民走，係會返嚟嘅」。
大J解釋移居原因時話，疫情令太太兩年都未能返日，加上往返兩地又需要隔離，所以佢哋喺年中商討後，決定將生活據點移到日本，順便豐富拍片題材。
大J又形容，以佢一向「有話直說」嘅性格，喺香港咁樣嘅環境底下，除咗要承受好大壓力，亦都「唔係太安全」，希望移居後，觀眾仍然會繼續支持佢哋。
唔少網民都留言祝福兩夫婦生活愉快，又希望大J可以快啲出關於日本嘅片「解鄉愁」。要離開土生土長嘅地方實在唔易，加上有睇片都知Mai好鍾意香港文化，Channel C喺度祝大J&Mai一切安好。
