2045更新前傳｜有車Cam影到南亞裔女司機揸保時捷自炒前，曾向後褪先撞到一部車車頭，再畀油向前衝，撞向街市方向。
--------------------------------
網上流傳片段，影到元朗合益街市發生交通意外一刻，保時捷高速炒上行人路，差啲撞到推住垃圾車嘅清潔工人，幸好無撞到正，架車就喺佢身邊擦過，清潔工定一定神之後自行起身。
晚上6點半元朗合財街合益街市發生交通意外，出事嘅係一部保時捷，懷疑失控自炒剷上行人路，撞爛鐵欄及路牌，車頭嚴重損毀。
據悉，肇事女司機曾一度昏迷，及後清醒，佢同女乘客都係南亞裔人士。意外導致2男2女受傷送院，一個途人擦傷手腳。有現場人士指，曾聽到好大聲踩油門，然後架車就撞埋去，懷疑女司機喺車輛失控後想踩Brake，但慌亂下踩錯油門，但確實意外原因仍有待警方調查。
