元朗街邊私家車司機猝死 為南邊圍村長陳禮喜

有一名私家車司機噚日（29日）喺元朗教育路路邊猝死，原來就係元朗南邊圍嘅村長陳禮喜。 

事緣就係，噚日朝早10點幾有途人發現私家車司機喺車入面昏迷，兼且面色灰白，所以報警。呢位司機被救出之後，送去醫院搶救後證實不治。

有媒體引述陳禮喜妻子，就話陳禮喜生前有胃酸倒流，一直都以為係胃病，冇諗過同心肌問題有關。而佢個仔就話因為太突然，會等農曆新年之後先會處理身後事喎。
哎呀，又會臨近農曆新年先發生呢啲事嘅！