要好好珍惜廣東歌，就由向全球推廣廣東歌開始。FB專頁「思思TVB的二三事」收到網民報料，指於YouTube Music Charts發現，播放TVB聲夢歌手炎明熹（Gigi）歌曲的十大主要地方，竟然見到印度、土耳其、阿根廷等國家，排名甚至領先於排第十的澳門。
根據YouTube的統計，在Gigi歌曲共227萬的觀看次數中，排第一的香港只佔4成、即91.9萬Views，排第2的是印度，有15萬Views，接下來的是土耳其（10.7萬）、烏克蘭（9.9萬）、印尼（9.7萬）、俄羅斯（8.4萬）、阿根廷（8.1萬）、巴西（5.5萬）、加拿大（5萬），最後才是同樣以廣東話為母語的澳門（4.9萬）。
睇返其他香港歌手同組合嘅數據，例如MC張天賦、MIRROR等，香港佔嘅觀看次數都係8成左右，遠高過Gigi嘅4成。熱愛廣東歌嘅Channel絲對呢個統計數字深感震驚🤯，同經典潮文一樣「睇到個標題嚇到叫左出黎」……竟然有廣東歌可以再衝出國際，我真心感動到熱淚盈眶，果然同林二汶講嘅一樣，音樂係無分國界同邊界㗎～好想聽印度朋友仔嘅Cover呀！
