古巨基出山咁大件事冇人講？早兩日（11日）基仔就出post預告嚟緊會同Tyson Yoshi合作，仲唔小心發現原來Tyson係未入過錄音室錄歌！
一個「求你別要如從前純熟地碰我」，撞埋一個「I promise you girl 幸福的每一天yeah」，究竟會出咗啲咩嚟？數數手指，Tyson真係可以話係由細聽基仔聽到大，仲話「我細個第一首認識你嘅歌其實係《至叻小人類》嘅片頭曲⋯⋯對我嚟講，到而家仲好夢幻呀呢件事」。
事緣就係基仔之前聽到Tyson喺一個訪問入面，講到「只要做好自己手上喜歡嘅嘢」而基仔就覺得同佢嘅project個宗旨好夾，所以就搵Tyson，都希望鍾意唱歌、鍾意音樂嘅人俾Tyson啟發到。
相信有follow開Tyson Yoshi都會知佢一向都係喺間房用支咪錄晒所有歌，不過Channel絲都唔知原來佢係連錄音室都未去過！基仔就問佢係咪想入錄音室試下，Tyson就好興奮咁話「嘩！好呀好呀」。
Channel絲都好期待究竟呢兩個風格咁唔同嘅artist合作，會有咩效果！唔知呢個Project仲會有邊啲人呢？
