每逢年尾聖誕同新年就特別想周圍玩，雖然Channel絲都要返工，但無理由唔介紹啲地方俾你哋嘅！
第一個地方係推薦畀咁多位爹哋媽咪同小朋友嘅～將軍澳海天晉滙（Ocean PopWalk）會喺聖誕隆重開幕，商場特別聯乘人氣火爆嘅Godzilla帶嚟《Ocean PopWalk‧Monster Studio Grand Opening～Walk by the Sea》主題活動，會有隻長達7米嘅可愛Godzilla喺戶外長廊等大家同佢打卡，咁少見嘅QQ哥斯拉，一定要影啦！
除咗打卡位，商場仲有好多間新派食肆畀大家去食聖誕大餐㗎～許廷鏗（Alfred）已經率先到Griddy’s 享用創意鹹甜窩夫配IG-able雞尾酒，仲去埋22 Branch Oyster Bar & Restaurant享用生蠔拼盤。喺大台生活咗唔少年月嘅Alfred，都感覺將軍澳有別以前，除咗環境優美，臨海景色宜人，更有種去咗外地小旅行嘅感覺﹗Alfred仲話以後會多啲到訪，Chill住搵靈感整新碟添～
而MR.鼓手Tom（何思諺）一家都有嚟Ocean PopWalk食買玩，一直悉心栽培仔仔嘅佢，更加畀商場的教育機構吸引，覺得商場提供嘅敎育服務不但多元化，環境亦十分適合小朋友上補習班或興趣班，可以培養小朋友的讀書興趣及開拓多元智能發展添～
而MR.鼓手Tom（何思諺）一家都有嚟Ocean PopWalk食買玩，一直悉心栽培仔仔嘅佢，更加畀商場的教育機構吸引，覺得商場提供嘅敎育服務不但多元化，環境亦十分適合小朋友上補習班或興趣班，可以培養小朋友的讀書興趣及開拓多元智能發展添～
第二個地方就岩晒情侶放閃啦，各位Lonely嘅大家，記得除夕去旺角THE FOREST要戴返副黑超呀！因為商場搞咗個活動，截至12月17日，KLUB 11會員只要THE FOREST用電子貨幣消費夠$2,022，透過「K11 HK」流動應用程式完成登記積分程序後， 將收據相片、積分紀錄截圖同放閃句子Inbox商場嘅IG或FB，就有機會被揀中喺除夕夜嘅商場螢幕播出，簡直係示愛好機會呀！（記得放閃句子字數限制為英文20字，中文30字（包括上下款字數））
不過聖誕一個人其實都可以盡興，THE FOREST嘅「聖誕極幻北歐市集 」會去到2022年1月2日，除咗有唔同北歐同本地嘅特色品牌，貨物由聖誕飾物、手作飾品、家居裝飾，環保服飾、嬰兒用品，到小食美酒等都應有盡有，真係啱晒買聖誕禮拜畀自己呀（喊 ）～
由即日起至1月2日，累積最高消費嘅頭5位KLUB 11會員仲可以額外獲得超級奬賞，包括芬蘭航空嘅「香港 – 赫爾辛基來回機票」兩套及BIGPACK Café 港幣4,000元餐飲禮券，有興趣嘅就快啲去睇吓啦！
