屯公兩女坐開篷寶馬疑解安全帶起身 舉雙手吹風轉身揮手

坐住開篷車吹風好似好型，但千祈唔好學片中呢兩位女乘客呀！話說最近網上流傳影片及多張照片，見到一架寶馬開篷家車沿屯門公路往屯門方向行駛，其間坐喺前座副駕位及後座嘅2名女子唔單止無扣好安全帶，甚至企起身，半身伸出車外，前座女乘客更用手機拍攝，又舉起雙手吹風，仲向後面行駛嘅車輛司機揮手，似乎好enjoy，但其實極之危險！

根據香港法例第374F章《道路交通（安全裝備）規例》，沒有佩戴安全帶，或阻礙司機駕駛或影響其他道路使用者，可被處罰款5,000元及監禁3個月。而涉事寶馬司機沒勸籲或要求乘客佩戴安全帶，亦可被罰款。