Channel絲今日食米線嗰陣，見到舊肉無啦啦反咗啲彩虹光！之後諗起早排討論區有位絲打以為舊肉有彩虹光，個侍應姐姐換咗畀佢之後，又問侍應姐姐使唔使撳定錢睇醫生。點知仲俾網民笑返轉頭，「建議樓主㩒定錢驗下智商」，話佢「抵被人鬧」！
原來食物安全中心都有出嚟解畫，佢哋嘅專家話肉類喺光線下有彩虹色，只係好常見嘅物理現象，唔等於肉質變差或者有安全問題！肉入面有鐵質、脂肪及其他化合物，咁當光線照到肉嘅表面，肉嘅橫紋結構同埋纖維特性所產生嘅衍射作用之下，就會分裂成彩虹咁多種色。同埋啲化合物有唔同色素，加熱同埋加工之後都可能會有彩虹色～
（好彩Channel絲有上網搵一搵答案，唔使俾人笑～）
