港府上周五（12日）起全面收緊豁免檢疫安排，兼加強對豁免人士監管，但有報道指摩根大通（J.P. Morgan Chase）行政總裁戴蒙（Jamie Dimon）昨日（15 日）抵港，就獲豁免隔離檢疫。特首林鄭月娥今早證實消息，獲豁免理據「就係經濟，畢竟係一間好大嘅銀行，佢喺香港有重要嘅業務」，但強調戴蒙來港行程係有限制，「風險係完全可控。」
戴蒙是今年以首位到訪大中華地區嘅華爾街大行行政總裁，今次亦是他相隔兩年半後再次到亞洲。據報道，他昨日抵達香港後會短暫停留32小時，獲豁免隔離檢疫，隨後飛往倫敦。
林鄭今早出席行會前被問無綫記者問及點解公司高層獲豁免，她回應指政府早前已取消絕大部份群組豁免，餘下只有很少動用的個人豁免，包括一些防疫需要、政府行為及重大經濟利益等，她又舉例指若她本人到外地公幹回港，亦獲豁免。
她續說，戴蒙嘅豁免係由相關政策局按法例599E章提出，經政務司司長以個人身份批核，「照我所知，用嘅理據就係經濟。畢竟係一間好大嘅銀行，佢喺香港有重要嘅業務，佢需要嚟呢度做一日多啲嘅工作。」佢又強調，戴蒙整個行程有限制，「所以個風險係完全可控」，惟她未有交代具體限制甚麼行程。
本港上周先後有3名獲豁免檢疫的國泰航空貨機機組人員，在進入社區後確診，他們都在德國法蘭克福返港，並帶有L452R變異病毒株。國泰明（17日）起收緊豁免檢疫機組人員抵港後防疫措施，所有非內地港口機組人員抵港後，必須接受加強醫療監察措施。
林鄭表示，政府已要求現時在港並曾在法蘭克福同一酒店接受閉環管理的機組人員接受21天隔離檢疫，涉及130位貨機機師，形容對航空業有很大影響，「多一至兩宗（確診）已令本港貨機無機師。」。
她指，香港社會要正常運作，機組人員、海員、及跨境貨運司機免檢疫，強調出發點不是為了個別行業，而是為社會正常運作，所以保持空運及海運對香港社會是具重要性。政府早前已進一步取消大部分的免檢疫安排，但如沒了來貨，不知社會如何運作。她又說，事件暫時未影響和内地商討通關，有關工作仍在進行。
