疫下總要過年。不少人一如以往會買年花，祈求新一年花開富貴。不過因應Omicron和Delta變種COVID-19病毒在社區爆發，政府取消全港所有年宵市場。警方指，旺角花墟過去數周的人流較以往多，但未算嚴重擠塞。不過隨着虎年即至，預期前往花墟的人流會顯著增加，警方由1.27（年廿五）至2.1（年初一）將在花墟一帶封路，甚至管制人流；限聚令執法亦會繼續。
必封的車路是花墟道、園藝街、園圃街和部份太子道西（見留言圖1）。若人流太多，封路會擴至部份花園街、洗衣街和運動場道；屆時行人只可經花園街與運動場道的交界，進入花墟（見留言圖2）；港鐵太子站A及B1出口則只准出不准入；多條巴士線及小巴線亦會受影響。
西九龍總區行動部高級警司黃志威指，若實施人流管制，會視乎花墟內的有多少顧客離開，再放行相等人數入內。「係咪真係一定要買花過年呢？如果一定要買的話，係咪要最迫嗰個時間去買呢？我真係好希望，我哋能夠喺呢度、呢個簡介裏面呢，邀請各位市民，大家諗一諗。真係顧住自己、顧住自己家人、顧住你自己關心嘅人，一人行多步，唔好喺最迫嘅時間迫埋入去，咁似乎係大家齊心抗疫好嘅一步。」
