日本民眾每年都會揀個漢字嚟形容嗰年嘅社會形勢，而今年嘅漢字就係個「金」字！其實嗰年有奧運，就會大機會係個「金」字，負責舉辦呢個投票嘅日本漢字能力檢定協會就話，佢收到嘅223,773票入面，有10,422人投「金」字，原因都主要係因為日本運動員喺東奧同埋殘奧拎咗好多金牌！上年受疫情重創，日本人就揀咗個「密」字，就係講緊同防疫息息相關嘅「三密」（3つの密），避免去「密閉空間」、避免接觸「密集人群」同埋「密切接觸」。如果香港有人搞呢個投票，唔知大家要會投咗個咩字呢？你自己嘅年度字又係咩呢🤭#日本#日本年度漢字#東京奧運#殘奧會
