沙展涉藏毒斷正 曾代表警隊打搏擊

毒品調查科今日(15日)喺元朗八鄉搗破一宗毒品案，拘捕一名私家車男司機，探員在其私家車搜到小量毒品，以涉嫌藏毒及懷疑藥駕將其拘捕。

消息指，40多歲疑犯張X賢喺警察部電台做沙展，加入警隊約25年，曾代表警隊出去打搏擊。據悉，張曾與同袍提起自己因為打搏擊導致骨痛，需要服食藥物。

毒品調查科已跟進此案件多時，今日採取行動，中午12點幾搭的士到八鄉錦上路石湖塘村舊學校對開空地，截獲懷疑到上址取貨的張X賢，當場斷正！其後，有交通警員到場為張做藥檢，另有鑑證人員喺私家車搜證及套取指模。