最近內地主播「薇婭」涉嫌藉「直播帶貨」逃稅，被重罰13億人民幣，就咁聽落呢行都好似幾搵得吓。不過呢啲嘢原來都唔係人人啱做，繼李國麟成為「最慘帶貨明星」後，王晶可能都會變做「最窮帶貨導演」……
最近有內地媒體報導，有護膚品公司用8萬蚊搵咗王晶同另一名坐擁千萬Fans嘅主播「廣東雨神」一齊「直播帶貨」，但最尾竟然賣得6枝，生意額得800幾蚊……嬲到間公司告到去上海寶山區人民法院，法院最後判經紀公司履行合約時有「瑕疵」，要賠返3.5萬人仔。
講到最尾，都係想兜個圈講返句「旁白師又贏」啫，佢直播賣嘢初體驗都賣晒10 Set㗎～有無人有興趣花重金搵佢賣吓嘢？
