《喜劇之王》入面「甜筒輝」因為同李兆基「基哥」收陀地搞到俾人打到變豬頭，現實中就有一名自稱「Tempo」嘅四眼男疑響朵，結果得罪人被人打到爆缸。噚晚（2日）WhatsApp群組就流傳片段，拍片男同另一男子叫Tempo除口罩同道歉，又要佢拎身份證出嚟，「你響朵吖嘛，頭先你話跟邊個？」Tempo初時話「我無跟人㗎！我跟上帝」，後尾先講自己跟邊個，然後就指指自己翹起雙手話叫Tempo。
拍片男佢哋見到咁就忍唔住出手打，「Tempo呀～？！好Ｌ型呀？」另一段片就見到Tempo已被打爆嘴流晒血，佢邊抹血邊話「對唔住老細，我以後會生性、搵錢」，再鞠鞠躬。件事似乎就咁告一段落，不過Tempo就冇「甜筒輝」咁收到廿蚊陀地喇！
