迪士尼白色聖誕賀佳節 港人享$699「雙重暢玩」過新年

無得去旅行，又想享受白色聖誕？ 香港迪士尼樂園 @hkdisneyland 一早幫你安排好啦！由即日起至 2022年1月2日，樂園會為來賓送上夢寐以求的白色聖誕，畀大家喺在漫天飄雪下，同各位迪士尼朋友一齊歡度佳節。香港居民仲可以用$699享受「雙重暢玩」優惠，於即日起至2022年1月19日期間任選兩天入園及盡享其他額外優惠，一起慶祝迪士尼奇妙聖誕節同新年。

而迪士尼喺日間同夜晚都精心準備咗唔同驚喜比大家，Duffy嘅Fans千祈唔可以錯過日頭嘅「Duffy 與好友冬雪歡樂巡禮」，Duffy同好友一齊換上特色冬日服飾，喺花車上同大家Say Hi～而米奇都會喺「奇妙夢想城堡」前呈獻「米奇與好友聖誕舞會」，以優美聖誕旋律、曼妙歌聲、活力舞姿掀動全場歡樂氣氛。

除咗睇表演，仲可以去行埋「夢想花園冬日巿集」，睇吓有咩迪士尼聖誕商品，或者試吓特色小食同特飲， 感受醉人嘅傳統聖誕氣氛。

而夜幕降臨，聖誕高飛就會同一班迪士尼朋友獻上全新「奇妙飄雪聖誕高飛」舞台表演，除咗城堡前嘅水柱會翩然舞動，雪花都會漫天飛揚，夠晒浪漫！
睇完、玩完，如果想打返張靚卡，記得去埋「夢想成真聖誕樹亮燈禮」影相呀！可以喺落雪嘅美國小鎮大街同聖誕樹影返張靚相，諗起都勁興奮呀～

每次去迪士尼，走之前都總會忍唔住買返幾樣紀念品，今年嘅聖誕新品亦都好吸引，包括發光雪球魔法棒、聖誕主題倒數日曆禮盒、聖誕掛飾、家居用品、迪士尼朋友毛公仔、服裝、頭飾、飾物等。 而大家喺迪士尼商店買嘢嘅同時，都可以做延續佳節歡樂嘅「聖誕老人」，用港幣$10選購「聖誕心願慈善明信片」，義賣所得款項將不扣除成本，全數撥捐「愛心聖誕大行動」 ( https://osc.scmp.com/ )。