後續｜過籌潑婦罵黃埔壽司郎店長 數分鐘後回頭排隊等位

早前有對男女喺黃埔間壽司郎發爛渣，原因係佢哋過咗籌號30分鐘，職員根據規定唔再補飛畀佢哋，女事主就話要搵負責人出嚟理論，事件擾攘近10分鐘。

事件原來有後續，女事主聲言有原則離開後，竟然於數分鐘後回頭排隊等位，惹網民嘲諷，「破壞原則嘅人話人冇原則！」、「骨氣值幾錢梗係壽司緊要啲😂」。