陳自瑤Follow李靚蕾微博 網民：向蕾神取經？

「宏蕾婚變」令中港台呢排花生斷貨，好多藝人都俾傳媒發現佢哋Unfollow王力宏割蓆，之但係佢嘅前妻李靚蕾（蕾神）就唔同啦，因為文筆好、爆料多，佢嘅IG同微博都多咗唔少Followers。不過，呢班新Fans最引人注目嘅，應該就係大台人妻Yoyo陳自瑤啦～

Yoyo喺蕾神爆料無耐，已經俾內地網民發現佢喺微博追蹤李靚蕾，加埋近年Yoyo經常傳出同老公王浩信婚變，唔少網民都留言笑問Yoyo係咪想向蕾神取經，又估佢可能係同蕾神「感同身受」。唔知噚日做冬，Yoyo有無同老公一齊食湯圓呢？