雪姨盆菜事件連累埋自己有份搞嘅「大乾爹市集」爆退租潮，佢今日就喺社交平台話，明白檔主連日來受盆菜風波影響，所有市集檔主將獲退還全額租金；並可有權選擇是否繼續參與市集；而為表歉意，佢會將自己檔內全部收益捐到有需要團體，「希望可以幫到更多有需要人士。」
雪姨喺post再次向基隆茶餐廳致歉，又話事件令市集檔主蒙受損失，「在此亦向各位用最真誠、最謙卑的心道歉」，又話深深感受到作為一個創作者，需要為自己的創作內容及大眾負責任，希望「大家接受我最真誠的道歉，並給予改過機會。」
個post出咗半個鐘即引嚟大批網民留言，鍾培生就留言叫雪姨「take care all the best」；亦有網民幫雪姨打氣，話知錯就得；但亦有唔少網民唔收貨：「一次不忠，百次不容」」「你應該幫手賣茶餐廳盆菜，唔係嘅話點補償」。
