電動滑板車「車神」葵涌道飛馳遭拍片 網民tag「香港警察」fb：唔拉等幾時

facebook群組噚晚（31日）流傳一段片段，見到一名男子晚上揸住電動滑板車喺馬路飛馳，樓主喺帖文形容「葵涌道車神我大佬」，仲hashtag咗「時速60」。雖然片段得4秒睇唔到現場多唔多車，但其實都可能已違法，唔少網民都留言鬧「想死行遠啲，唔好害人呀！」、「唔拉等幾時」，另有人tag了「香港警察」fb專頁。

運輸署網頁話，喺行車道、行人路及單車徑上使用「電動可移動工具」，例如電動滑板車、電動單輪車、電動平衡車、電動滑板、電動單車等，都可能違反《道路交通條例》及附屬法例，以及其他相關法例㗎！