CHANNEL C X 餓底TV｜一人小店研發香港辣味 落Order即製保證鮮味

《汶汶乜都試》最新一集聯乘餓底TV撐小店——撞牆！一位年輕人阿Wall花一年時間，自家研發秘方醬料醃製小食，希望製作出「香港辣味」，投資廿萬開網店撞牆兩年，堅持每日去街市買新鮮材料確保質素，由買料、烹煮、包裝、送貨、客服都係自己一腳踢，今集汶汶和Icy BB就一齊體驗一下阿Wall嘅辛酸。

阿Wall對於選材非常講究，海鮮必須每日一大早到街市購買，確保其新鮮彈牙，而自家研發的秘方醬料則以滷水為基礎，再加入特製的辣香和辣味，取用不同的辣椒品種包括大紅袍和二荊條，他透露自己是在Youtube找不同影片學習，研究不同的辣椒香味，才有今日的自家辣味。

買完餸，阿Wall就帶汶汶和Icy返回小小的廚房，指導她們嘗試烹煮工作，不論拆洗鮑魚、處理魷魚、烹調時間、熱度控制等都有自己的技巧和方程式，有大廚風範，但原來他是30歲後才入廚。阿Wall話自己30歲前完全不懂廚藝，用了大概半年至一年的時間學師偷師，自己在家中不停煮，「上一份工作完咗之後，思考自己應該做咩呢？原本打算去台灣生活，想喺台灣開間港式店，用車仔麵加日式拉麵嘅概念去做，就喺過程中，發現好多人鍾意食辣，甚至會為咗一種辣味，專程到一個地方試食。」所以阿Wall就用車仔麵食材，例如魷魚、鮑魚、花螺等，試下配合不同的辣味，後來再發現原來做冷盤客人更喜歡，因為可以買返屋企加餸，很方便。

阿Wall就因為自家研發的食品得到好評，打消去台灣的念頭，留在香港發展，投資咗廿萬創業，最初因為甚麼也不懂，連採購新鮮食材都有難度，但研發一年、開業兩年，努力了三年時間總算回本。然而，這門生意單靠阿Wall一雙手，又為了保持新鮮，堅持客人落Order先製造，難以大量生產賺大錢，「賺錢真係有一定難度，但做一件事要睇係咪享受個過程，尤其唔可以為咗追生意而放棄食物質素，食物嘅穩定性緊要過一切，當客人食完話返畀我知『會上癮、會追住食』，甚至醬汁都用嚟煮其他餸、撈麵，嗰份滿足感會大過賺錢。」

CHANNEL C聯乘餓底TV支持香港人創業，送出小店撞牆的自家秘方醬料醃製小食：
1. 椒麻滷水魷魚300g（價值$118）（名額3個）
2. 椒麻滷水鮑魚12隻（價值$338）（名額2個）
3. 回魂辣菜脯（小辣）180g（價值$68）（名額3個）
大家只要睇片（ https://bit.ly/3zsTCH3 ）搵答案，最快喺FB或IG留言答中問題，就有機會免費獲得*。
椒麻滷水系列存放雪櫃可以保存2-3星期，海鮮類建議2星期內享用最佳，愈新鮮愈好味，菜脯則存放在陰涼位置。

截止日期：13/12/2021 中午12:00

*條款及細則：
- 每人只限參加一次，重複參加並不計算在內。
- 得獎者將會有專人聯絡。
- 3款小食為隨機送出。
- 是次活動所收集的聯絡資料，只供此次活動使用。
- 如有任何爭議，Channel C HK將保留最終決定權。